यीशु प्रचार कांनैरै तैइनी कनै बडा अलग अलग नगरा मझ लौकनी शिख्रांणेरै तैईनि अपडै चैलै भेईजें। फिरी बैबसी करी जै किछ तैन्है क्यौरू थियु, सै यीशुनी शुणा दित्ती | यीशु तैढहां किसती पन चढी करी ऐकांत जगाईनी चली ग्या, ऐकांता गांहणा कना बाद तैन्हां बुलाबा भेईजा।ता सै ऐकी किसती पन चढी करि झीलेरी हौरै किनारैनी चली ग्यै।
बडै मैणुऐ कनै तैसेरै चैलै किसती मझ तकाई कनै सारा ग्रां कना किठी करी तैदी पैदल नटठै कनै तैन्हां कना पेहिलै गाही पुजै।जां यीशु कनै तैसैरै चैलै तैढी पुज्जै त मैणुवा कैरा अक बडा सैमुह पेहिलै कना तैढी तैन्हैरा ईन्तजार काता थ्या।
भीडी मझ पंज हजार मढद थ्यै,जैन्हां मझ जनैनया जां बच्चा कैरी गीणती न थी।यीशु मैणुवां कैरी बड़ी भीड़ तकाई कनै तैन्हां पन तरँ खा।कैईनी कि सै तैन्हां भ्रैड़ साही थ्यै जैन्हैरा कौ रखवाला न थ्या।कनै सै तैन्हांनि बैड़ी गल्लै शीख्रांणा लग्गा,कनै जै मैणु चग्गै भुणा चांथै थ्यै सै ठीक क्यै।
जां दिह बढु निड़ी ग्यु,त तैसैरै चैलै तैस कन ऐईछी करी बौलणा लगै,एड़ी देरी भौ गैई कनै कौ ग्रां नीड़ वना।कि तैन्हां भेईजी करी किछ खांणैनी लैई ऐईछया।
पर यीशु चैलांनी बौलु,तुऐ ऐन्हांनी खांणानी द्या।तैन्है तैस सेईतै बौलु कितु ,अई ऐ किही करी सखतै?ऐसु कन केवल पंज रोटि कनै दो मैछली ऐति।
तां यीशु अपड़ा चैलांनी बौल्लु कि सारा मैणुवा पजाहा कैरै समुहा मझ वैशाई द्या।।
यीशु सैकेई पंज रोटी कनै दो मैछली लेई,कनै सुरगा घैरै हैरू, कनै भौजनैरै तैईनी परमेश्वरैरा धन्यावाद क्या।
यीशु रोटी कनै मैछली भनी भनी चैलांनी दिति कि सै मैणुवानी दीया।चैलै रोटी कनै मैछली सारा मझ बंड़ि दिति,कनै रोटी कनै मैछली घैटि ना।सारै खा करि खुश भूऐ।
जै भौजन न खैईया तैन्हां कना चैलै टौकड़ा केरी भारहा टोकरी भरी करी चक्की,कनै किछ मैछल्इयै ला भैरी।सारा भौजन केवल पंज्जा रोटिया कनै दुईयां मैछलिया कना या।
ऐ बीबलैरी कहांनी लियौरी आ: मती 14 :13- 21 ,मरकुस 6: 31-41 ,लुका 9:10-17 , यूहन्ना 6 > 5-15
